شبح العلاج النفسي

انتشر في مجتمعاتنا فكرة قوية بتقول أن الشخص اللي يلجأ للمساعدة النفسية أو العلاج النفسي .. هو بالضرورة شخص مختل عقليا يجلب العار والخزي لنفسه ولأهله وأحبابه …�� للاسف الصورة دي صورة خاطئة تماما ومنعت ناس كتير من الاستعانة بالمختصين للوصول لمرحلة النضج النفسي اللي بدوره بيغير شكل الحياة .. �� تعالوا نتعرف على رحلة العلاج النفسي عن قرب أكتر … رحلة العلاج النفسي أو النضج النفسي هي في الأساس رحلة تغيير وتطوير مهمة لأغلب الناس .. لأن ظروف الحياة وضغطها بيولد جوانا كلنا مجموعة من الضغوط النفسية اللي قد نتعامل معاها بأساليب خاطئة فتزود المشكلة أكتر وتعمقها .. ومع الوقت تكون معطلة للحياة .. �� فمثلا فيه ناس بتتعامل مع الضغوط دي بانكارها وإنكار أثارها عليها .. وتبدأ تاخد خطوات للهروب منها والتعويض باي شكل علشان يمنع نفسه حتى من التفكير فيها …. وناس تانية بتستسلم بشكل كبير وتعيش دور الضحية اللي غرقانة في المشاكل والأحزان وحياتها واقفة لأن الضغوط دي كلها لازم توقفها …. وناس تانية بتبدأ تهاجم وتسيطر وتتحكم بقوة وعنف في كل اللي حواليها بهدف تغيير الظروف بالقوة والعنف … كل دول بيجوا في مرحلة ويقعوا وميقدروش يكملوا لأنهم ببساطة اخدوا الطريق الغلط … والغريب أنه الطريق الأسهل .. ⁦❌❌❌ لكن في المقابل كان فيه مجموعة من الناس الاكثر شجاعة … واللي قدرت تدرك أن فيه مشكلة حقيقية .. وأنها مش قادرة تتعامل معاها .. مش بس كده .. لا قدروا كمان يزودوا الشجاعة ويطلبوا المساعدة المختصة … وهنا بدأوا رحلة أصعب ولكنها أنجح … رحلة تغيير حقيقية باستراتيجيات علمية وبوعي ونضج مختلف … ممكن تحتاج منهم وقت وجهد ومعافرة كبيرة … لكن في النهاية هيوصلوا لشكل حياة انجح واقوى وانضج بكتير .. وانجازاتهم في الحياة هتاخد شكل مختلف